«ичимлик суви» тегли мақолалар
Тошкентда ичимлик суви режали ўчирилади — рўйхат
Тошкентнинг барча туманларида 11 сентябрь-13 октябрь кунлари режали профилактика-таъмирлаш ишлари ўтказилиши муносабати билан ичимлик суви навбатма-навбат вақтинча ўчирилади. Ҳудудларга махсус техникаларда сув етказиб берилади.
«Бир кун сув беришади, кейин бир неча ой сувсиз ўтирасиз». Ўзбекистонликлар — сув билан боғлиқ вазият ҳақида
Ўзбекистонда ичимлик суви тарифлари кўтарилиши, Қорақалпоғистонда шоли етиштириладиган майдонларнинг қисқариши, Қирғизистоннинг Қозоғистонга суғориш учун сув беришни тўхтатгани минтақада сув инқирози кучайиб бораётганидан далолат беради. «Газета.uz» ҳудудлардаги сув билан боғлиқ вазиятни ўрганди.
Бишкекда ўткир ичимлик суви танқислиги кузатилмоқда. Вазият ҳақида нималар маълум?
Май ўрталаридан Бишкекда, айниқса шаҳар чети ва жанубий қисмида ичимлик суви таъминоти билан боғлиқ вазият оғирлашди. Мавзелардан бирида аҳоли норозилик намойиши уюштирди. Мэрия тақчилликни истеъмол ҳажми ортгани ҳамда томорқаларни суғоришда ичимлик сувидан фойдаланилаётгани билан боғлади.
Тошкентда навбат билан ичимлик суви ўчирилади. Рўйхат
Баҳор-ёз мавсумига тайёргарлик учун таъмирлаш ишлари олиб борилиши муносабати билан Тошкентнинг турли ҳудудларида навбат билан совуқ сув ўчирилади.
Тошкентнинг қатор туманларида ичимлик суви 2 кунга тўхтатилди
17 апрелдан 19 апрелгача пойтахтнинг Сергели, Янгиҳаёт, Миробод ва Яккасарой туманларидаги айрим ҳудудларда ичимлик суви тўхтатилди.
«Свет», газ ва сувдан ноқонуний фойдаланиш ўғрилик жинояти сифатида белгиланиши мумкин
Президент қарорига асосан «свет», газ ва сувдан ноқонуний фойдаланишни ўғрилик жинояти сифатида белгилаш кутилмоқда, ҳуқуқ-тартибот органларига тегишли қонунни ишлаб чиқиш вазифаси юклатилди. Ўзэнергоинспекцияга ушбу ресурслардан ноқонуний фойдаланган мансабдорларга жазо қўллаш ваколати берилмоқда.
Сергели ва Янгиҳаёт туманининг айрим ҳудудларида ичимлик суви таъминоти вақтинча тўхтатилади
«Ўзсувтаъминот» компанияси Сергели тумани Қипчоқ кўчасидан ўтувчи ер усти метро йўли қурилиш ишлари олиб борилаётгани сабаб, 20 декабрь соат 9:00 дан 21 декабрь соат 9:00 гача Сергели ва Янгиҳаёт туманларининг айрим ҳудудларида ичимлик суви таъминоти вақтинча тўхтатилишини маълум қилди.
Андижонда аҳолини ичимлик суви билан таъминлаш учун ажратилган пуллар талон-торож қилингани аниқланди
Андижоннинг Пахтаобод туманида аҳолини ичимлик суви билан таъминлаш учун ажратилган пуллар қўшиб ёзиш орқали ўзлаштириш йўли билан талон-торож қилинган. Гумонланувчиларга нисбатан жиноий иш очилиб, тергов ҳаракатлари ўтказилмоқда.
Бухорода «Замин» фонди лойиҳаси бўйича ичимлик суви билан таъминланган мактаблар сони 16 тага етди
Бухорода «Замин» фонди лойиҳаси бўйича 16 мактаб ичимлик суви ва канализация тизими билан таъминланди. «Газета.uz» шу пайтгача мактаб маъмурияти ва маҳаллий аҳоли тоза ичимлик суви етишмаслиги сабабли қандай ноқулайликларга дуч келгани билан қизиқди.
«Вақф» фонди аҳолини тоза ичимлик суви билан таъминлашга 851,4 млн сўм хайрия қилди
«Вақф» хайрия фонди «Вақф сувлари» лойиҳаси доирасида турли ҳудудлардаги, олис қишлоқ ва овулларда тоза ичимлик сувига муҳтож бўлган аҳоли учун артезиан қудуқларини қазиб, минорали сув иншоотларини барпо этди. Ушбу мақсадлар учун 851,4 млн сўм хайрия сифатида сарфланди.
Тошкентнинг айрим туманларида ичимлик суви таъминотида узилишлар кузатилади (жадвал)
Тошкентнинг Сергели туманидаги бир қатор маҳаллаларда 10 август куни соат 10:00 дан бошлаб ичимлик суви тўхтатилади. Янгиҳаёт туманида эса сув босими пасаяди. Жадвал.
Ичимлик суви тармоқлари таъмирланаётганда аҳолига сув транспортда етказиб берилади
Ичимлик суви таъминоти тўғрисидаги қонун президент томонидан имзоланди. Унга кўра, аҳолининг сифатли ичимлик суви билан таъминланиши давлат томонидан кафолатланади. Шу боис, ичимлик суви тармоқлари таъмирланаётганда ҳамда авариявий ҳолатларда аҳолига сув транспортда етказиб берилади.
Ичимлик сувига асоссиз ҳисобланган тўловлар учун компенсация талаб қилиш ҳуқуқи берилмоқда
Истеъмолчиларга ичимлик суви бўйича асоссиз ҳисобланган тўловларнинг ярми миқдорида компенсация талаб қилиш ҳуқуқи берилмоқда. Ушбу компенсация ичимлик суви таъминоти ташкилотидан ундирилади.
«2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлмоқда» — президент
Шавкат Мирзиёев 1500 тадан ортиқ маҳаллада марказлашган ичимлик суви таминоти йўлга қўйилмагани, 2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлаётганини маълум қилди. Бунинг ечими сифатида келгуси 5 йилда соҳага 40 трлн сўм инвестиция йўналтирилиши ва ичимлик суви таъминоти 90 фоизга етказилиши айтилди. 2022 йилнинг ўзида бюджетдан 2 трлн сўм, халқаро молия ташкилотларидан эса 245 млн доллар жалб этилади.
«Энг катта қўрққаним Сирдарё ИЭС ёниб кетмасин дедим». Шавкат Мирзиёев — энерготизимдаги муаммо ҳақида
Президент сешанба куни кузатилган энерготизимдаги носозлик ҳақида фикр билдирар экан, айнан нимадан кўпроқ қўрққанини маълум қилди. «Энг катта қўрққаним Сирдарё ИЭС ёниб кетмасин дедим. 1982 ё 1983 йил Сирдарёда олтита станция ҳам ёниб кетган», — деди Шавкат Мирзиёев. Қолаверса, у тизимдаги раҳбарларга ҳар дақиқада аҳолини вазиятдан хабардор қилиш бўйича топшириқ берганини таъкидлади.
29 мартдан 8 июнгача Тошкентда босқичма-босқич ичимлик суви таъминоти тўхтатилади (рўйхат)
Тошкентда катта ҳажмли сув қувурларида режали профилактика-таъмирлаш ишлари ўтказилиши муносабати билан 29 мартдан 8 июнгача босқичма-босқич ичимлик суви таъминоти вақтинча тўхтатилади. «Тошкент шаҳар сув таъминоти» МЧЖ ўчирилиш вақтлари ва жойлар рўйхатини эълон қилди.
Ўзбекистон бўйлаб ичимлик суви ва оқова сув хизматларининг янги нархлари белгиланди
Ўзбекистоннинг айрим ҳудудларида ичимлик суви ва оқова сув хизматлари (сув ҳисоблагичи борлар учун) нархлари 1,5−3 бараваргача оширилди. Навоий вилоятида энг юқори тарифлар қайд этилмоқда.
Тошкентда ичимлик суви ва канализация учун янги тарифлар ўрнатилди
24 январдан бошлаб Тошкентда ичимлик суви ва оқова суви хизмати учун учун янги тарифлар амал қилади. Ичимлик суви учун тарифлар декабрдаги режадан пастроқ миқдорга оширилган.
Тошкентда ичимлик суви ва канализация тарифлари кескин оширилиши мумкин
Тошкент шаҳар ҳокимлиги томонидан «Тошкент шаҳар сув таъминоти» МЧЖнинг ҳозирги кунда амалда бўлган тарифини ошириш таклиф қилинмоқда. Қайд этилишича, «Тошкент шаҳар сув таъминоти» МЧЖ 2019 йилда молиявий иқтисодий фаолиятдан 58,8 млрд сўм, ҳамда 2020 йил 8 ойлигида 21,3 млрд сўм зарар кўрган.
Қашқадарёда ичимлик суви тизимини яхшилаш учун ажратилган 23 млрд сўм маблағ беҳуда сарфланган
Қашқадарё вилоятида 2018, 2019 ва 2020 йилнинг шу даврига нисбатан ичимлик суви учун ажратилган 23 млрд сўм маблағ самарасиз сарфлангани маълум бўлди. Айтилишича, бунинг оқибатида 10 та ҳудудга ҳалигача ичимлик суви етиб бормаган. Вилоятнинг Нишон, Касби, Косон, Муборак туманларига ҳам ажратилган маблағлардан унумли фойдаланилмаган.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг